PROSESI ADAT NGANTEN ING GROBOGAN

PROSESI NGANTENAN WONTEN ING DAERAH GROBOGAN

Tiyang jawi kathah ingkang namung mangertosi prosesi ngantenan yaiku siraman lan  midodareni. Ananging wonten ugi rangkaian prosesi sanes Ingkang sami pentingipun. Sanadyan radi ribet ugi njlimet ananging boten wonten ruginipun menawi dados mangertosi langkung kathah wonten ing babagan prosesi adat panganten sanesipun ing adat jawa.

Prosesi penganten adat jawa dipun wiwiti saking acara siraman. Siraman menika dipun kalampahaken dados ngresiki jiwa kaliyan  raga, ingkang dipun kalampahaken sedinten saderengipun ijab kobul.

Acara Siraman

Acara  menika wonten pitu pitulungan kagem nglampahaken acara siraman kala wau. Tegesipun arupa campuran saking kembang setaman utawa ingkang dipun sebat Banyu Perwitosari ingkang dipun pendhet saking pitung sumber banyu sumur.

Dipun wiwiti saking siraman  tiyang sepuh calon mempelai, lajeng siraman saking pamaes (tukang rias), lajeng dipun lajengaken kanthi mecahaken kendhi. Nalika sampun sonten dipun lajengaken acara midodareni. Midodareni inggih menika malem kaping kalih  ngeculaken masa lajangipun.  Acara menika dipun kalampahaken wonten dalemipun tiyang estri ugi dipun anaaken acara nyentrik kangge mestiaken penganten kakung menika badhe rawuh wonten ing ijab kobul ugi kepastian menawi keluarga mempelai estri sampun siap nglampahaken perkawinan lan upacara panggih.

Upacara  Panggih

 Sasampunipun adicara akad nikah menika dipun kalampahaken upacara Panggih. Upacara menika dipun kalampahaken kapan kembang mayang menik dipun bekta medl dalem kaliyan dipun semelehaken wonten caket dalem, ingkang tujuanipun damel ngusir roh jahat. Sasampunipun menika penganten estri ingkang tepangan kaliyan penganten kakung ugi nglajengaken upacara kanthi nglampahaken adicara :

1.     Balangan Suruh, inggih menika nguncalacen godong suruh ingkang dados lambang tresna asih ugi setyaning tiyng kalih menika.

2.    Wiji Dadi, inggih menika mempelai kakung ngidak tigan ayam ngantos pecah, lajeng mempelai perempuan nelesi sukunipun ngagem kembang. Proses kados menika dados lambang seorang suami kaliyan bapa ingkang tanggung jawab kaliyan kaluarganipun.

3.    Pupuk, inggih menika ibu mempelai estri ngusap mempelai mantu kakung ingkang dados pratanda ikhklas narima dados bagian kaluarganipun.

4.    Sinduran, inggih menika mlampah alon-alon kanthi nyampiraken kain sindur dados pratandha menawi mempelai kalih menika sampun dipun tampa dados kaluarganipun.

5.    Timbang, inggih menika mempelai kalih wonten ing pangkuanipun bapa mempelai estri dados pratandha welas asih tiyang sepuh marang putra ugi menantu sami gedenipun.

6.    Kacar-kucur, inggih menika dipun tuangaken wonten pangkuanipun estri dados pratandha paring nafkah.

7.    Dahar Klimah, inggih menika sami ndhulang satunggal ugi setunggalipun ingkang dados pratandha nyinauni menawi gesang sareng wonten ing susah kaliyan bungah.

8.    Mertui, inggih menika mempelai estri methuk tiyang sepuh mempelai kakung wonten ing ngajeng dalem kangge mlampah sareng-sareng wonten ing papan upacara.

9.    Sungkeman, kalih mempelai sami-sami nyuwun pangestu dateng tiyang sepuh kalih.

Acara menika nalika kalampah ugi wonten tembang-tembang macapat damel ngiringi kalampahan menapa kewawon ingkang dipun kalampahan wonten ing upacara menika kanthi  tembang ingkang trep kaliyan adicara ingkang kalampahan.

Menika ingkang saged kula andaraken saking adat penganten saking daerah Purwodadi, Grobogan.