SELAMETAN TAHLILAN KEMISAN

SELAMETAN TAHLILAN KEMISAN

Selametan tahlilan kemisan inggih menika selametan bergilir ingkang dipun laksanakaken dening  warga masyarakat dukuh Gambang saben kemis malem jumat kagem dongakaken arwahipun tiyang ingkang sampun seda. Arwahipun tiyang seda ingkang dipun dongakaken inggih menika sanak kaluarganipun tuan rumah). Warga masyarakat dukuh Gambang nyebat tahlilan kemisan menika Jamaah. Saben dinten kemis, warga masyarakat dukuh Gambang desa Ringin Kidul menika nganakaken selametan tahlilan. Selametan menika dipun anakkaken wonten ing saben dalemipun warga masyarakat menika kanthi bergilir. Ingkang derek selametan inggih menika namung tiyang jaler.

Selametan menika dipun kalampahaken ba’da  solat Isya’, lajeng sami sareng-sareng tindhak woten dalemipun tiyang ingkang angsal giliran, ingkang rawuh menika sedanten tiyang jaler ingkang wonten ing dukuh Gambang menika. Wonten ing dalemipun warga ingka ng angsal giliran menika wonten kotak kados kotak amal, saderengipun sami lenggah menika lajeng ngisi kotak menika. Menawi sampun sami kempal selametan menika dipun wiwiti dening rama kiyai wonten ing dukuh Gambang. Donganipun donga tahlilan kagem dongakaken arwah-arwahipun sanak kaluarga tuan rumah.

Saksampunipun donga menika sampun purna, lajeng dipun tutup maleh saking pak Kiyai. Para muda lajeng mundhut dharan, unjukan kaliyan maeman ingkang sampun dipun siapaken tuan rumah kanthi dipun biyantu ibu-ibu ingkang masak dharan menika. lajeng dipun sugadaken kangge peserta jamaah. Menu sugadan menika maneka warni, bebas sakpurunipun tuan rumah, sakiyatipun tuan rumah. Menawi saben dalem menika benten-benten sugadanipun. Ananging ingkang asring menika daharanipun wonten soto, bakso, mie, lontong, lsp. Unjukanipun menika the anget, es teh, toya wening kaliyan es sanes. Menawi maemanipun inggih bebas, wonten gedhang, gorengan-gorengan, buah-buahan, kacang godhog, lsp  sak purunipun tuan runah badhe nyugadi.

Saksampunipun daharan, unjukan kaliyan maeman sampun dipun sugadaken, warga menika sareng-sareng daharan, saksampunipun sami jagongan, ingkang badhe kondhur inggih boten menapa-menapa. Amergi jamaahipun sampun bibar.