Langgam Segara Wedhi
Tutna lakune
onta
Nalika lintang
panjer langit ngreksa kunarpa
Rembulan pucet
kapatrapan pidana
Lan kumibare
jubah para pangumbara
Manjilma lukisan
ing kanvas wengi
Sewu jangkrik
nglaras langgem berzanji
Aja dipedhot
lurung tumuju kraton fajar
Selagine bun
isih nusoni wedhi
Ngemabn sakehe
panggresah lan sesanggan
Langit jingga
yamaning para suhada
(sauntara
angin tetep jroning sujud sajwi
Lan tanpa
kendhat ngemonah sadawane wengi)
Mecaki dawane
angen-angen
Ginelar kabeh
babut biru-kabecikan
Lan tansah
setya ngenteni sang dikir ing wengi samun
Kapetik saka Bledheg Segara Kidul
Tidak ada komentar:
Posting Komentar